देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

अछाममा कर्णालीमाथिको पुलको लठ्ठा चुँडिंदा १५ खच्चड फसे

0

काठमाडौं – कर्णाली नदीमाथिको झोलुंगे पुलको लठ्ठा चुँडिएको छ। लठ्ठा चुँडिदा १५  वटा खच्चड पुलमै फसेका छन्।

आज आइतबार बिहान १० अछाम् पञ्चदेवल विनायक नगरपालिका–९ कालेकाँडा र दैलेखको आठबिस नगरपालिका–४ जोड्ने झोलुङ्गे पुलको लठ्ठा चुँडिएको हो।

लठ्ठा चुडिँदा १५ वटा खच्चड पुलमै चेपिएका छन्। यसअघि नै कमजोर रहेको पुलमा एकैपटक धेरै खच्चडलाई यात्रा गराउँदा दुर्घटना भएको बताइएको छ। पञ्चदेवल विनायक नगरपालिकाका उपप्रमुख हर्कबहादुर रावलका अनुसार खच्चड उद्धारको प्रयास भइरहेको छ।

प्रहरीका अनुसार पुलको एकातर्फका दुई वटा लठ्ठा चुँडिएका छन्। खच्चड अछामका जोरे रोकामगर र राजेन्द्र बोहराका हुन्।

जिल्ला प्रहरी कार्यालय दैलेखका प्रमुख डिएसपी सुनिल दाहालले उद्दारका लागि सशस्त्र प्रहरी र नेपाल प्रहरीको टोली पठाइएको बताए।

द्वारा लेखिएको

मध्यबिन्दु अनलाइन

सूचना विभाग दर्ता नं. दर्ता न. १७८८/०७६-७७

सम्बन्धित समाचार