देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

अपराध न्यूनीकरण गर्न हातेमालो आवश्यक : आइजीपी खनाल

0

(कालिकोट) – प्रहरी महानिरीक्षक सर्वेन्द्र खनालले प्रहरी र नागरिकबीच हातेमालो गरेर अगाडि बढेमा अपराध न्यूनीकरण गर्न सकिने बताएका छन् । आइजीपी खनालले प्रहरी र नागरिकबीच हातेमालो गरेर अगाडि बढेमा अपराध न्यूनीकरण गर्न सकिने उल्लेख गर्दै नेपाल प्रहरीले महिला तथा बालबालिका विरुद्ध हुने अपराधप्रति अत्यन्तै संवेदनशिल भई कार्य सम्पादन गर्दै आएको बताए ।

नेपाल प्रहरीले अंगिकार गरेको समुदाय प्रहरी साझेदारी अवधारण निकै फलदायी भएको चर्चा गर्दै कार्यक्रम अन्तर्गत सरोकारवाला निकायहरुसँग समन्वय र सहकार्य गर्दै अगाडि बढ्नुपर्ने उनले बताए । जिल्ला प्रहरी कार्यालय कालिकोट परिसरमा नवनिर्मित कार्यालय, ब्यारेक र कार्यालय प्रमुख निवास भवनहरुको बुधबार आयोजित एक कार्यक्रमबीच उद्घाटन गर्दै उनले उक्त भवनहरुको निरीक्षण समेत गरेका थिए । सो समारोहमा प्रहरी महानिरीक्षक खनालले शान्ति सुरक्षा कायम राख्न समुदाय प्रहरी साझेदारी कार्यक्रममा सहयोग र्पुयाउने जिल्लास्थित विभिन्न कार्यालयहरु तथा महानुभावहरुलाई प्रशंसापत्र समेत प्रदान गरेका थिए ।

कार्यक्रममा कर्णाली प्रदेश प्रहरी कार्यालय सुर्खेतका प्रमुख प्रहरी नायव महानिरीक्षक पुर्णचन्द्र जोशीले धन्यवाद ज्ञापन गर्दै अपराध रोकथाम तथा नियन्त्रण गर्न सबैको साथ र सहयोग आवश्यक रहेको बताए । कालिकोट जिल्लाका प्रमुख जिल्ला अधिकारी कृष्णचन्द्र पौडेलले समग्र जिल्लाको शान्ति सुरक्षाकाबारे जानकारी दिए ।

नेपाल सरकारको नियमित बजेट कूल ९ करोड ८३ लाख ३ हजार ६ सय ५१ रुपैयाँ लागतमा उक्त भवनहरुको निर्माण कार्य सम्पन्न भएको हो । कार्यक्रममा जिल्ला अदालत कालिकोटका जिल्ला न्यायाधिस माधव प्रसाद सुवेदी, स्थानीय निकायका प्रमुखहरु, विभिन्न सरकारी कार्यालयका प्रमुखहरु, जिल्लास्थित सुरक्षा निकायका प्रमुख तथा अधिकृतहरु, नागरिक समाज, राजनीतिक दलका प्रतिनिधिहरु, सामुदायिक सेवा केन्द्रका पदाधिकारीहरु, स्थानीय सञ्चारकर्मी लगायत स्थानीय समाजसेवीहरुको उपस्थिति रहेको थियो ।

द्वारा लेखिएको

मध्यबिन्दु

Responses (0 )



















सम्बन्धित समाचार