देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

कलङ्कीमा सवारी दुर्घटनाहुँदा एकजनाको ज्यान गयो

0

काठमाडौं – काठमाडौंको कलङ्कीमा तीन वटा गाडी र एउटा स्कुटर दुर्घटना हुँदा एक जनाको ज्यान गएको छ ।

स्कुटर पछाडि रहेका  सुनसरी धरान घर भइ ललितपुरको टीकाथली बस्ने २९ वर्षीय सन्तोष लिम्बुको वयाेधा अस्पतालमा उपचारका क्रममा ज्यान गएको हो ।

कलङ्कीबाट बल्खुतर्फ जाँदै गरेको वागमती प्रदेश–१–२५–प ०४२० नम्बरको गाडी, बा ४९ प ७१८५ नम्बरको स्कुटर, बा १ प ९८८ नम्बरको माइक्रो बस र ना ५ ख ७५०८ नम्बरको ट्रक दुर्घटनामा परेका हुन् ।

महानगरीय प्रहरी वृत्त कालीमाटीका अनुसार पुरानो एमाले पार्टी कार्यालयनजिकै सुरूमा गाडीले स्कुटरलाई ठक्कर दिएको थियो । गाडीले ठक्कर दिएपछि स्कुटर माइक्रो बससँग ठोक्किएको थियो।

माइक्रोसँग ठोक्किएपछि स्कुटरमा रहेका एक जना उछिट्टिएर ट्रकमुनि परेको प्रहरीले जनाएको छ । घाइते स्कुटर चालक दिनेश थापाको वयाेधा अस्पतालमै उपचार भइरहेको छ ।

द्वारा लेखिएको

मध्यबिन्दु

सम्बन्धित समाचार