देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

कांग्रेसको महाधिवेशन प्रतिनिधिको भेला हेटौंडामा सुरु हुँदै

0

(हेटौंडा) – नेपाली कांग्रेसको महाधिवेशन प्रतिनिधिहरुको भेला तथा प्रशिक्षण हेटौंडामा आज सुरु हुँदैछ । प्रदेश ३ अन्तर्गत ६ वटा जिल्लाका महाधिवेशन प्रतिनिधिहरुको भेला मंगलबार र बुधबार हेटौंडामा हुन लागको हो ।

भेलाको उद्घाटन पार्टी सभापति शेरबहादुर देउवाले गर्ने नेपाली कांग्रेस मकवानपुर सभापति इन्द्रबहादुर बानियाँले जानकारी दिए । बानियाँका अनुसार नेपाली कांग्रेसको केन्द्रीय नीति, अनुसन्धान तथा प्रशिक्षण प्रतिष्ठानको आयोजना एवम् नेपाली कांग्रेस मकवानपुरको संयोजनमा भेला तथा प्रशिक्षण हेटौंडामा हुन लागेको हो ।

यसअघि सात जिल्लाका भेला भक्तपुरमा सम्पन्न भइसकेको छ । भेलाको उद्घाटनमा देउवासँगै वरिष्ठ नेता रामचन्द्र पौडेल, प्रतिष्ठानका प्रमुख एवं पार्टी उपसभापति विमलेन्द्र निधी, महामन्त्री डा.शशांक कोइराला लगायतका नेताहरु समेत हेटौंडा आउने बताएको छ ।

भेला तथा प्रशिक्षणमा ३ नम्बर प्रदेश अन्तर्गतका ६ जिल्लाका महाधिवेशन प्रतिनिधि र प्रदेशका केन्द्रीय सदस्यहरुको सहभागिता रहनेछ । प्रशिक्षणमा मकवानपुर, चितवन, धादिङ, नुवाकोट, रसुवा र सिन्धुलीका दुईसय ९० जना महाधिवेशन प्रतिनिधि र केन्द्रीय सदस्यहरुको सहभागिता रहने जनाइएको छ ।

सहभागीलाई प्रतिष्ठानका प्रमुख निधी, प्रतिष्ठानका सदस्य एवम् राष्ट्रिय योजना अयोगका पूर्वउपाध्यक्षहरु डा. गोविन्द पोखरेल, डा.जगदिशचन्द्र पोखरेल, प्रशिक्षण विभागका कार्यकारी निर्देशक पुरुषोतम दाहाल, प्रतिष्ठानका सदस्यहरु डा. आरजु देउवा, खिला दाहाल र राजु नेपालले सहजीकरण गर्ने जनाइएको छ ।

नेपाली राजनीतिक वर्तमान अवस्थाबारे चर्चा गर्नुका साथै प्रतिपक्षी दलले खेल्नुपर्ने भूमिकाबारे केन्द्रीय पदाधिकारी सहितको उपस्थितिमा छलफल हुनेछ ।

द्वारा लेखिएको

मध्यबिन्दु

Responses (0 )



















सम्बन्धित समाचार