देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

कांग्रेसले नैतिक धरातल विर्सेको छ – डा. रामवरण यादव

0

काठमाडौं – नेपालका प्रथम राष्ट्रपति डा. रामवरण यादवले विपी कोइरालाको समयको राजनीतिक परिवेशलाई जोडेर अहिले देशमा केही भएन भनेर मूल्यांकन गर्नु उचित नुहने बताएका छन्।

देशमा दुईवटा संविधान सभाबाट जारी भएको संविधानपछि पनि जनताको अवस्थामा देखिनेगरी सुधार हुन नसक्नु चिन्ताको विषय भएको उनले औंल्याए। नेपाली राजनीतिले विपीले लिएको गाउँ जोड्ने नीतिलाई मनन् गर्नुपर्ने धारणा राखे। बीपी, समाज, राजनीति र अहिलेको व्यवस्थाको अध्ययन गरी गम्भीर भएर अगाडि बढ्नुपर्ने उनको सुझाव छ।

विपी विचार राष्ट्रिय समाजले प्रकाशनमा ल्याएको ‘विपीवाद’ पुस्तकको शनिबार काठमाडौंमा लोकार्पण गर्दै यादवले बिपीको विचार अजर र अमर रहेको उल्लेख गरे। उनले विपीको पालामा जस्तो नेपाली कांग्रेसको दर्शन, विचार र नैतिक धरातल अहिलेको कांग्रेसजनमा नभएको टिप्पणी गरे।

‘गौरव गर्छु कि म त्यो (कांग्रेस) संस्थामा छैन। त्यो संस्थाबाट म देशको राष्ट्रपतिसम्म भएँ। त्यो संस्थाको दर्शन विपीले दिनुभएको थियो र बिपीका जो सहयात्रीहरु थिए–गणेशमानजी, कृष्णप्रसादजी, गिरिजाप्रसाद कोइरालालगायतको नैतिक धरातल अहिलेको कांग्रेसीमा खोज्यौं भने हामी आफैं बुझिहाल्छौं,’ डा. यादवले भने।

द्वारा लेखिएको

मध्यबिन्दु अनलाइन

सूचना विभाग दर्ता नं. दर्ता न. १७८८/०७६-७७

सम्बन्धित समाचार