देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

किनारा लाउन खोजिएका विश्वप्रकाशको मुलधारमा प्रवेश

0

काठमाडौं –  नेपाली कांग्रेसको महामन्त्रीमा विश्वप्रकाश शर्मा निर्वाचित भएका छन् । यसअघि पार्टीका केन्द्रीय सदस्य तथा प्रवक्ता रहेका शर्मा १४औं महाधिवेशनबाट महामन्त्री निर्वाचित भएका हुन् ।

निर्वाचन समितिका अनुसार खसेको कुल ४ हजार ६८२ मतमध्ये सबै भन्दा बढी गगन थापाले ३ हजार २३ मत प्राप्त गरी विजयी भएका हुन् ।

विश्वप्रकाश शर्माले १९ सय ८४ मत प्राप्त गरी महामन्त्रीमा निर्वाचित भएका हुन् । शेखर कोइराला प्यानलबाट गगन थापा र प्रकाशमान सिंह प्यानलबाट विश्वप्रकाश शर्मा महामन्त्रीमा विजयी भएका हुन् ।

को हुन् विश्वप्रकाश ?

युवा नेता विश्वप्रकाश शर्माको जन्म विस ६ पुस २०२७ सालमा झापाको शान्तिनगरमा भएको हो । बुवा परशुराम भण्डारी र आमा सावित्रा भण्डारीका छोरा शर्माले त्रिभुवन विश्वविद्यालयबाट समाजशास्त्रमा स्नातकोत्तर गरेका छन् ।

उनका एक छोरा र एक छोरी छन् । २०३७ सालमा झापामा विद्यालय पढ्दादेखि नै राजनीतिमा लागेका शर्मा नेपाली कांग्रेसको भातृसंगठन नेपाल विद्यार्थी संघको महामन्त्री र अध्यक्ष भइसकेका छन् ।

सिर्जनशील युवा नेता शर्मा राजनीतिक विश्लेषक एवं साहित्यकारका रुपमा पनि परिचित हुनुहुन्छ । १३औं महाधिवेशनबाट केन्द्रीय सदस्यका साथै पार्टीको केन्द्रीय प्रवक्ताको जिम्मेवारीमा रहेका शर्मा १४औ महाधिवेशनमा पार्टीको कार्यकारी पद महामन्त्रीमा निर्वाचित भएका हुन् ।

अघिल्लो आम चुनावमा झापा क्षेत्र नम्बर १ बाट राम कार्कीसँग पराजित भएका थिए । संसदीय प्रतिस्पर्धामा पराजित शर्मा पार्टी प्रतिस्पर्धामा भने सफल भएका छन् । युवा प्रतिनिधिको लोकप्रिय मत उनले पाएका छन् । ‘बदलिएको कांग्रेस, बलियो कांग्रेस’को नारा उनले दिएका थिए ।

पार्टी प्रवक्ता बनाए पनि कृष्ण सिटौलासँगको सहकार्यले शेरबहादुर देउवाले टिकट नदिँदा शर्मा प्रकाशमान सिंह टिमबाट प्रतिस्पर्धामा होमिएका थिए ।

टिम भन्दापनी आम काँग्रसी कार्यकर्ताको मन मनमा बसेका शर्मालाई पार्टि नेतृत्वले किनारा लाउन खोजेपनी कार्कर्ताले भने निति निर्माण तहको मुलधारमा पुर्याएका छन् ।

द्वारा लेखिएको

मध्यबिन्दु

सम्बन्धित समाचार