देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

किस्ट अस्पतालमा एक कोरोना संक्रमितको मृत्यु

0

ललितपुर – कोरोना भाइरसको संक्रमणबाट इमाडोलस्थित किस्ट अस्पतालमा उपचाररत एक जना वृद्धाको मृत्यु भएको छ । ललितपुर महालक्ष्मीस्थानकी ७० वर्षीया वृद्धाको उपचारको क्रममा बुधबार बिहान मृत्यु भएको हो ।

श्वासप्रश्वासमा समस्या भएपछि उनी गत कात्तिक २७ गते अस्पतालमा भर्ना भएकी थिइन् । सोही दिन किस्ट अस्पतालमै स्वाबको नमूना परीक्षण गर्दा उनमा कोरोना संक्रमण पुष्टि भएपछि कोभिड आईसीयूमा राखेर उपचार थालिएको थियो ।

उपचारको क्रममा बुधबार बिहान २ बजे मृत्यु भएको अस्पताल प्रशासनले जनाएको छ । उनी पुरानो दमको समस्याबाट पीडित थिईन् ।

द्वारा लेखिएको

मध्यबिन्दु

सम्बन्धित समाचार