देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

कोरोना संक्रमित राप्रपा अध्यक्ष कमल थापा ओमको आइसियूमा

0

काठमाण्डौं – कोरोना संक्रमित राप्रपा अध्यक्ष कमल थापा अस्पताल भर्ना भएका छन्। श्वासप्रश्वासमा समस्या देखिएपछि अध्यक्ष थापालाई ओम अस्पताल भर्ना गरिएको हो।

थापालाई शुक्रबार दिउँसो २ बजे ओम अस्पताल भर्ना गरिएको उनीनिकट स्रोतले बतायो। कोरोना संक्रमण देखिएपछि थापालाई श्वासप्रश्वासमा समस्या देखिएपछि ओम अस्पताल लगिएको थियो।

थापाले बिहीबार ह्याम्स अस्पतालमा स्वाब परीक्षण गरेका थिए। शुक्रबार संक्रमण पुष्टि भएपछि उनी घरमै बसिरहेका थिए। तर, अचानक श्वासप्रश्वासमा समस्या आएपछि थापालाई ओम अस्पताल भर्ना गरिएको केन्द्रीय सदस्य राजाराम बर्तौलाले बताए।

थापा अहिले ओमको आइसियू कक्षमा उपचाररत छन्।  उनको स्वास्थ्य अवस्था क्रमश सुधारोन्मुख रहेको बर्तौलाले बताए ।

द्वारा लेखिएको

मध्यबिन्दु

सम्बन्धित समाचार