काठमाडौं – गण्डकी प्रदेशमा नवनियुक्त मुख्यमन्त्री खगराज अधिकारीले पद तथा गोपनीयताको शपथ लिएका छन् ।
प्रदेश प्रमुख डिल्लीराज भट्टले आइतबार दिउँसो संविधानको धारा १६८ (२) बमोजिम २ वा २ भन्दा बढी दलको समर्थनमा अधिकारीलाई मुख्यमन्त्री नियुक्त गरेका हुन्।
मुख्यमन्त्रीमा अधिकारीलाई सपथ ग्रहण गराएसँगै स्वतन्त्र सांसद राजीव गुरुङ(दीपक मनाङे) र माओवादी संसदीय दलका नेता हरिबहादुर चुमानले पनि विनाविभागिय मन्त्रीको रुपमा सपथ ग्रहण गरेका छन्।
अधिकारीले गण्डकीमा एमालेका २२,माओवादीका ८ र नेकपा एसका १ सांसदको समर्थन आफूलाई रहेको भन्दै दाबी पेस गरेका थिए।
गण्डकीमा कांग्रेसका २७, एमालेका २२, माओवादी ८ (सभामुखसहित), राप्रपाका २ र नेकपा एसका १ सांसद छन्।
