देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

चार घण्टापछि दमौली बजारमा लागेको आगो नियन्त्रणमा

0

काठमाडौं – तनहुँको दमौली बजारमा आइतबार बिहान साढे १० बजेदेखि लागेको आगो चार घण्टापछि नियन्त्रणमा आएको छ ।

आगलागीको खबर सुनेपछी नेपाल सरकारका श्रम, रोजगार तथा सामाजिक सुरक्षा मन्त्री कृष्णकुमार श्रेष्ठ आफै हेलिकप्टर लिएर दमौली पुगेका थिए ।

काठमाडौंबाट गएको सिम्रिक एयरको हेलिकप्टर, पोखराबाट गएकोसहित आठ वटा दमकल, ट्याङ्कर, सेना, प्रहरी र स्थानीयवासीको सहयोगमा चार घण्टाको अथक प्रयासपछी आगो निभाइएको हो ।

आगलागीमा परेर सात वटा घर जलेका छन् भने अरू ठाउँमा आगो नफैलियोस् भनेर अरू चार वटा घर डोजर लगाएर भत्काइएको जिल्ला प्रहरी कार्यालय तनहुँले जनाएको छ ।

आगलागीका कारण मानवीय क्षति नभए पनि अरू क्षतिको विवरण सङ्कलनको काम भइरहेको प्रहरीले जनाएको छ । आगो लाग्नुको कारण भने खुल्न सकेको छैन ।

द्वारा लेखिएको

मध्यबिन्दु

सम्बन्धित समाचार