देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

चीनबाट करीव १२ लाख मात्रा भेरोसेल खोप आइपुग्याे

0

काठमाडौँ – छिमेकी मुलुक चीनबाट करीव १२ लाख डोज कोभिड विरुद्धको भेरोसेल खोप नेपाल आइपुगेको छ।

एसियाली विकास बैंकको ऋण सहयोगमा मंगलबार भेरोसेलको ११ लाख ८४ हजार खोप आएको स्वास्थ्य सेवा विभाग आपूर्ति व्यवस्थापन केन्द्रका प्रमुख डा सुरेन्द्र चौरसियाले जानकारी दिए ।

उनका अनुसार नेपालले भेरोसेल, कोभिसिल्ट, एस्टाजेनेका, फाइजर, मोर्डना, जानसन लगायतका चार करोड ३ लाख ८७ हजार ९२७ मात्रा खोप प्राप्त गरेको छ ।

सरकारले खोप अभियान सुरु भएदेखि अहिलेसमम दुई करोड ६४ लाख पाँच हजार २१० मात्रा खोप लगाएको छ । जसमा कुल जनसंख्याको ४९.९ प्रतिशतले एक मात्रा र ३७ प्रतिशतले पूर्णमात्रा खोप लगाएका छन् ।

पछिल्लो केहि दिनदेखि कोरोनाको संक्रमणदर बढ्दो छ । विज्ञहरुले नयाँ संक्रमणबाट जोगिनका लागि समेत खोप लगाउन सुझाव दिईरहेका छन् ।

सरकारले आगामी माघ महिनादेखि लक्षित समूह निर्धारण गरी भेरोसेल खोपको अतिरिक्त डोज समेत दिने योजना बनाएको छ ।

द्वारा लेखिएको

मध्यबिन्दु

सम्बन्धित समाचार