देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

नेविसंघ र तरुण दलका अध्यक्ष स्वतः पदमुक्त

0

काठमाडौं – नेपाली कांग्रेसको मुख्य भ्रातृसंस्था नेपाल विद्यार्थी संघ र नेपाल तरुण दल नेतृत्वविहीन भएका छन् । उनीहरु दुवै खुल्ला तर्फबाट कांग्रेस केन्द्रीय सदस्यमा निर्वाचित भएका कारण पद रिक्त भएको हो ।

दुवै संस्थाका केन्द्रीय अध्यक्ष नेपाली कांग्रेसको १४ औं महाधिवेशनबाट केन्द्रीय सदस्यमा निर्वाचित भएसँगै कांग्रेस विधानको व्यवस्था अनुसार उनिहरुको स्वत: पद रिक्त भएको हो ।

कांग्रेस विधानको दफा ४२ को उपदफा १ को घ मा भ्रातृ संघको पदाधिकारी वा सदस्य पार्टीको कुनैपनि तहको कार्यसमितिमा निर्वाचित वा मनोनीत भएमा भ्रातृ संघको पद रिक्त हुने व्यवस्था छ ।

‘पार्टीको कुनैपनि तहको पदाधिकारी वा सदस्य भ्रातृ संघको पदाधिकारी वा सदस्य हुनेछैन । भ्रातृ संघको कार्यसमितिका पदाधिकारी वा सदस्य पार्टीको कुनैपनि तहको कार्यसमितिमा निर्वाचित वा मनोनित भएमा निजको भ्रातृ संघको पद स्वतः रिक्त हुनेछ’, कांग्रेस विधानमा उल्लेख छ ।

यो व्यवस्था अनुसार नेविसंघ अध्यक्ष राजीव ढुंगाना र तरुण दलका अध्यक्ष जितजंग बस्नेत स्वतः अध्यक्षबाट पदमुक्त भएका छन् ।

द्वारा लेखिएको

मध्यबिन्दु

सम्बन्धित समाचार