देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

प्रदेश ५ को नाम र राजधानी तोक्ने प्रस्तावप्रति कांग्रेसको मौनता

0
<p>फाइल तस्विर</p>

फाइल तस्विर

बुटवल – सत्तारुढ नेकपाका अध्यक्ष तथा प्रधानमन्त्री केपी शर्मा ओली र अर्का अध्यक्ष पुष्पकमल दाहालको निर्देशनमा प्रदेश ५ को नाम लुम्विनी राख्ने र प्रदेशको स्थायी राजधानी दाङको भालुवाङ राख्ने प्रदेश सरकारको निर्णयप्रति कांग्रेसले दृष्टिकोण सार्वजनिक गरेको छैन ।

प्रदेश ५ को मन्त्रीपरिषद्को बैठको निर्णयबमोजिम प्रदेशका आन्तरिक मामिला तथा कानूनमन्त्री कुलबहादुर केसीले प्रदेश सभासमक्ष पेश गरेको प्रदेशको नामाकरण र प्रदेशको स्थायी राजधानी तोक्ने प्रस्तावप्रति प्रमुख प्रतिपक्षी दल कांग्रेस मौन बसेको छ ।

प्रदेश ५ को प्रदेश सभामा नेपाली कांग्रेसका १९ सांसद छन् भने सत्तारुढ नेकपासँग ६२ सांसद रहेका छन् । यस्तै जनता समाजवादीका ४ र राष्ट्रिय जनमोर्चाका एक जना सांसद छन् ।कांग्रेसको प्रदेश ५ संसदीय दलका नेता सुरेन्द्र हमालले सभासद्हरुलाई स्थायी राजधानी बुटबलबाट सारेर दाङ तोक्ने प्रस्तावको विरोध गर्न कुनै निर्देशन नदिएका कारण कांग्रेसका सांसद मौन बसेका थिए ।

बुटबल उपमहानगर समिति सभापति खेलराज पाण्डे र रुपन्देही २ नम्वर क्षेत्रिय सभापति हरि लम्सालले शुक्रबार विज्ञप्ती जारी गर्दै दुई तिहाई बहुमतबाट उत्तेजित सत्तारुढ कम्युनिष्ट पार्टीले राजधानी बुटबलबाट सार्ने भनी गरेको निर्णयको विरोध गर्न आव्हान गरेका छन् ।

संसदीय दलका नेता खनाल बाँके जिल्लाका हुन् । राजधानी सार्ने निर्णयको बिरोधमा नेपाल विद्यार्थी संघका कार्यकर्ताले शुक्रबार बुटबल तीन वटा सवारी साधनमा क्षति पुर्याउनुका साथै सडकमा आगो बालेर अबरोध गरेका थिए ।

नेकपाका महासचिव विष्णु पौडेलको समेत निर्वाचन क्षेत्र रहेको रुपन्देही क्षेत्र नं २ र बुटवल उपमहानगर क्षेत्रबाट प्रदेशको स्थायी राजधानी दाङ तोक्ने अध्यक्षद्वयको निर्देशन र मुख्य मन्त्री शंकर पोखरेलको शक्ति प्रदर्शनपछि नेकपामा समेत बिबाद बढेको छ ।

तत्कालिन नेकपा एमालेको उपमहासचिव पदमा उम्मेदवार भएर विजयी भएका पौडेल हाल उपमहासचिव छन् भने पोखरेल उपमहासचिवमा पराजित भएपछि हाल प्रदेश ५ को मुख्य मन्त्री बनाइएको छ ।

 

द्वारा लेखिएको

मध्यबिन्दु

सम्बन्धित समाचार