काठमाडौं – नितिश कुमारले आइतबार साँझ ५ बजे बिहारको नवौँ मुख्यमन्त्रीका रुपमा शपथ लिएका छन्। राज्यपाल राजेन्द्र विश्वनाथ आर्लेकरले उनलाई पद तथा गोपनीयताको शपथ गराएका हुन् ।
आइतबार बिहान ११ बजे आठौं मुख्यमन्त्रीबाट राजीनामा दिएका नितिशले आजै नवौँ मुख्यमन्त्रीका रुपमा शपथ लिएका हुन् ।
भारतीय जनता पार्टीका प्रदेशाध्यक्ष सम्राट चौधरी र प्रतिपक्षी नेता रहेका विजय सिन्हालाई उपमुख्यमन्त्री बनाइएको छ।
साँझ ५ बजे भएको सपथ समारोहमा नितिश कुमारसँगै जम्मा ८ मन्त्रीले शथप लिएका छन्।
मन्त्रीमा मुख्यमन्त्रीसमेत २ कुर्मी, २ भूमिहार, १-१ राजपूत, दलित, कहार, कोइरी र यादव छन्।
कूल २४३ सदस्यीय बिहार विधानसभामा आरजेडीसँग ७९ विधायक छन् भने भाजपासँग ७८ विधायक छन्।
विधानसभामा जेडीयू ४५, काङ्ग्रेस १९, भाकपा (एम–एल) १२, हिन्दुस्तानी अवाम मोर्चा (सेक्युलर) को चार र सीपीआई (एम) र भाकपाको एक-एक सदस्य छन्।
