देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

मन्त्री आलेको अध्यक्षतामा महाशिवरात्रि मूल समारोह समिति गठन

0

काठमाडौं – पशुपति क्षेत्र विकास कोषले महाशिवरात्रिको मेला सम्पन्न गर्न मूल समारोह समिति गठन गरेको छ ।

कोष सञ्चालक परिषद्को अध्यक्षसमेत रहेका संस्कृति, पर्यटन तथा नागरिक उड्ययनमन्त्री प्रेमबहादुर आलेको अध्यक्षतामा समिति गठन गरिएको प्रवक्ता रेवतीरमण अधिकारीले जानकारी दिए ।

उनका अनुसार स्वास्थ्य सेवा व्यवस्था, मेला बजार तथा साज सजावट व्यवस्था,  स्वयंसेवा परिचालन व्यवस्था र तथ्याङ्क तथा मूल्याङ्कन व्यवस्था गरी १० उपसमिति गठन गरी महाशिवरात्रिको तयारी पनि सुरु गरिएको छ ।

मूल समितिअन्तर्गत रहने गरी महाशिवरात्रिको तयारीका लागि सुरक्षा व्यवस्था अनुगमन, प्रचारप्रसार व्यवस्था, दर्शन, चन्दन मन्दिर एवं रात्रिकालीन व्यवस्था, आवास, भोजन तथा भौतिक पूर्वाधार व्यवस्था, साधु सन्त तथा धार्मिक कार्यक्रम व्यवस्था, वातावरण तथा सरसफाइ जुत्ता चप्पल व्यवस्था लगायत १० वटा उपसमिति गठन गरिएको हो ।

कोरोनाको तेस्रो लहर शुरु भएसँगै बन्द गरिएको पशुपतिनाथको मूल मन्दिर महाशिवरात्रिअघि नै खोल्ने तयारी पनि कोषले गरेको छ । यस वर्ष फागुन १५ गते महाशिवरात्रि पर्व परेको छ ।

द्वारा लेखिएको

मध्यबिन्दु

सम्बन्धित समाचार