देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

राप्रपाका नेता लिङ्देनको दुबै फोक्सोमा निमोनिया, अस्पताल भर्ना

0

काठमाडौं – राष्ट्रिय प्रजातन्त्र पार्टी (राप्रपा) का नेता तथा सांसद राजेन्द्र लिङ्देनको दुबै फोक्सोमा गम्भीर निमोनिया देखिएपछि अस्पताल भर्ना भएका छन् ।

पार्टीको कामको शिलशिलामा गृह जिल्ला झापामा रहेका लिङ्देनलाई निमोनियाका कारण स्वास्थ्य अवस्था गम्भीर बनेपछि बिहीबार साँझ सेनाको नाईटभिजन हेलिकप्टरबाट काठमाडौं ल्याईएको हो ।

बिर्तामोडको बीएण्डसी अस्पतालको आईसीयूमा भर्ना भएका लिङ्देनलाई सेनाको हेलिकप्टरले झापाबाट त्रिभुवन विमानस्थल ल्याएको हो । विमानस्थलबाट उनलाई ललितपुरस्थित मेडिसिटी अस्पताल लगिएको राप्रपाका प्रवक्ता मोहन श्रेष्ठले जानकारी दिए ।

श्वासप्रश्वासमा समस्या देखिएपछि बिहीबार बिहान बिर्तामोडको बीएण्डसी अस्पतालको आईसीयूमा भर्ना भएका लिङ्देनलाई निमोनिया भएको पाइएको थियो ।

उनका अनुसार स्वास्थ्यमा समस्या देखिएपछि लिङ्देनले तीन दिन बिर्तामोडको कञ्चनजंगा अस्पतालमा उपचार गराएका थिए । त्यसपछि बिहीबार विहान बीएण्डसीमा सारिएको हो । बुधबार गरिएको परीक्षणमा उनमा कारोना रिपोर्ट नेगेटिभ आएको छ ।

सबै लक्षण कोरोना भाइरस संक्रमणसँग मिल्दोजुल्दो देखिएकाले बिहीबार पुनः उनको स्वाब लिइएको छ । उनलाई कोरोना संक्रमण भएको आशंका गरेपनि पीसीआर रिपोर्ट आउन बाँकी छ ।

द्वारा लेखिएको

मध्यबिन्दु

सम्बन्धित समाचार