देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

शरणार्थी प्रकरणमा छुटे लगत्तै ललितानिवास प्रकरणमा पक्राउ

0

काठमाडौं – जिल्ला अदालत काठमाडौंले नक्कली भुटानी शरणार्थी प्रकरणमा धरौटीमा छाड्न आदेश दिएलगत्तै केशव तुलाधर फेरि पक्राउ परेका छन् ।

बालुवाटारस्थित ललितानिवासको १४३ रोपनी सरकारी जग्गा हिनामिना प्रकरणमा पनि संलग्न रहेको भन्दै प्रहरीको केन्द्रीय अनुसन्धान ब्यूरो (सीआईबी) ले उनलाई पक्राउ गरेको हो ।

तुलाधारलाई अदालतबाटै नियन्त्रणमा लिइएको ब्यूरोका एसएसपी दिनेश आचार्यले बताए । तुलाधरको नाममा ललिता निवासको दुई रोपनी सरकारी जग्गा गएको देखिएको उनले बताए ।

प्रहरीका अनुसार शरणार्थी प्रकरणबारे अनुसन्धान सुरु भएलगत्तै उनी भारत भागेका थिए । नेपाल छिरेको थाहा भएपछि प्रहरीले उनलाई सानो भर्‍याङबाट नियन्त्रणमा लिएर अदालत पेश गरेको थियो ।

 

द्वारा लेखिएको

मध्यबिन्दु अनलाइन

सूचना विभाग दर्ता नं. दर्ता न. १७८८/०७६-७७

सम्बन्धित समाचार