देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

सिन्धुपाल्चोकको हेलम्बुमा एमाले माओवादी र राप्रपाका दर्जनौं नेता कार्यकर्ता नेपाली कांग्रेस प्रवेश

0

सिन्धुपाल्चोक – सिन्धुपाल्चोकको हेलम्बु गाउँपालिकामा नेकपा एमाले माओवादी र राप्रपाका सयौं नेता कार्यकर्ता नेपाली कांग्रेस प्रवेश गरेका छन् ।

शुक्रबार एक कार्यक्रमकाबिच हेलम्बु गाउँपलिका वडा नं- २ किउल बस्तीका सयौं नेता कार्यकर्ता नेकपा एमाले परित्याग गरी कांग्रेस प्रवेश गरेका हुन् ।

कांग्रेस प्रवेश गर्दै हेलम्बु-२ का हेलम्बु २ किउलका राप्रपाका गाउँपालिका उपाध्यक्ष उमेदवार समेत रहेकी गङ्गा लामाले गरिबलाई भर्याङ बनाएर आफ्नो अभिष्ट पुरागर्ने कम्युनिष्टको झुटको खेति बन्दगर्दै साच्चिकै जनताको भावना बुझ्ने पार्टी नेपाली कांग्रेस भएको बताइन ।उनले बिकासवादी पार्टि नेपाली कांग्रेसको चारतारे झण्डामुनी गोलबद्द हुन सम्पुर्ण हेलम्बुबासीलाई आव्हान समेत गरेकी छिन्।

आफुले विगतको निर्वाचनमा काँग्रेसलाई मत नदिएपनी चुनाव जितेपछी जनतालाई चाहिने सबै बिकासका काम नेपाली कांग्रेसको स्थानिय सरकारले गरिदिएको तथा निर्वाचनमा मत नदिएपनी बिकासका काममा कांग्रेसले कुनै भेदभाव नगरेकोले अब जनताको पार्टी भनेको कांग्रेस मात्रै रहेछ भन्ने बुझेर कांग्रेस प्रवेश गरेको नव प्रवेशी एमाले नेता याकर तामाङले बताए ।

नव प्रवेशीहरुलाई पार्टी प्रवेश गराउँदै हेलम्बु गाउँपालिका अध्यक्ष एवं नेपाली कांग्रेस सिन्धुपाल्चोक का युवा नेता निमा ग्याल्जेन शेर्पाले कम्युनिस्ट सरकारको अधिनायकवादी चरित्र र झुठो आश्वासनले आम नागरिकमा निराशा छाएको बताए । शेर्पाले नेपाली कांग्रेस लाई बिश्वास गरेर प्रवेश गर्ने सबै नेता कार्यककर्ताको सुखदुःखमा आफू सधैं साथमा रहने बताए ।

यसअघी पनी यो बस्तीका नेकपा तथा राप्रपाका सयौं नेताकार्यकर्ता नेपाली कांग्रेस प्रवेश गरेका थिए । हेलम्बुका सातवटा वडा मध्ये यहि वडा नं २ मा मात्र नेकपा एमालेले स्थानिय निर्वाचन जितेको थियो ।

No description available.

द्वारा लेखिएको

मध्यबिन्दु

सम्बन्धित समाचार