देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

सुन प्रकरणमा पूर्वउपराष्ट्रपतिका छोरा दिपेश पुन पक्राउ

0

काठमाडौं – नेकपा माओवादी केन्द्रको भातृसंगठन अखिल क्रान्तिकारीका महासचिव दीपेश पुन पक्राउ परेका छन्।

उनी शुक्रबार बेलुका धापासीबाट पक्राउ परेका हुन् । गत २ साउनमा बरामद भएको ६० किलो सुन तस्करी प्रकरणका मुख्य आरोपी दावा छिरिङसँग पुनको सम्बन्ध देखिएपछि उनी प्रहरीको निगरानीमा थिए । तर, सीआईबीले उनीविरुद्ध गम्भीरतापूर्वक अनुसन्धान नगरी उन्मुक्ति दिएको सुन जाँचबुझ आयोगको प्रतिवेदनमा उल्लेख छ ।

सुनसम्बन्धी जाँच आयोगले पनि बिहीबार बुझाएको प्रतिवेदनमा पुनविरुद्ध अनुसन्धान नगरी सिआईबीले उन्मुक्ति दिएको निष्कर्ष निकालेको थियो ।    

दिपेशले सहकारी ठगीमा पनि उन्मुक्ति पाउँदै आएका थिए । बुटवलका १० हजार बचतकर्ताको साढे ७८ करोड हिनामिना प्रकरणमा पनि उनी तानिएका छन् ।  

गृहमन्त्री रवि लामिछानेले जाँचबुझ आयोगले तयार पारेको प्रतिवेदन शुक्रबार प्रधानमन्त्री पुष्पकमल दाहाललाई बुझाएका थिए। सोही विषयमा छलफल गर्न बसेको मन्त्रिपरिषद् बैठकले आयोगको प्रतिवेदनलाई कार्यान्वयनमा लैजाने निर्णय गरेको थियो। 

द्वारा लेखिएको

मध्यबिन्दु अनलाइन

सूचना विभाग दर्ता नं. दर्ता न. १७८८/०७६-७७

सम्बन्धित समाचार