देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

हेलम्बुमा एमालेका दर्जनौं नेता कार्यकर्ता काँग्रेस प्रवेश

0

सिन्धुपाल्चोक – सिन्धुपाल्चोकको हेलम्बु गाउँपालिकामा नेकपा एमालेका दर्जनौं नेता कार्यकर्ता नेपाली कांग्रेस प्रवेश गरेका छन् ।

शनिबार काठमाडौंमा एक कार्यक्रमकाबिच हेलम्बु गाउँपलिका वडा नं- २ चित्रे बस्तीका दर्जनौं नेता कार्यकर्ता नेकपा एमाले परित्याग गरी कांग्रेस प्रवेश गरेका हुन् ।

कांग्रेस प्रवेश गर्दै हेलम्बु-२ चित्रेका राजु वि.क. ले भने-  गरिबलाई भर्याङ बनाएर आफ्नो अभिष्ट पुरागर्ने कम्युनिष्टको झुटको खेति बन्दगर्दै साच्चिकै जनताको भावना बुझ्ने पार्टी नेपाली कांग्रेस भएको बताए ।उनले बिकासवादी पार्टि नेपाली कांग्रेसको चारतारे झण्डामुनी गोलबद्द हुन सम्पुर्ण हेलम्बुबासीलाई आव्हान समेत गरेका छन्।

बिकास लगायत जनताको हरेक दुखसुखमा साथ दिने एकमात्र पार्टी नेपाली कांग्रेस भएको भन्दै हेलम्बुमा पार्टी प्रवेशको लहरै चलेको हेलम्बु-२ का क्षेत्रिय प्रतिनिधी गोपाल लामाले बताए ।उनका अनुसार यसअघी पनी यो बस्तीका नेकपा तथा राप्रपाका सयौं नेताकार्यकर्ता नेपाली कांग्रेस प्रवेश गरेका थिए ।

आफुले विगतको निर्वाचनमा एमालेलाई मत दिएर जिताएपनी चुनाव पछी ति माननियको अनुहारनै नदेखेको र जनतालाई चाहिने सबै बिकासका काम नेपाली कांग्रेसको स्थानिय सरकारले गरिदिएको तथा निर्वाचनमा मत नदिएपनी बिकासका काममा कांग्रेसले कुनै भेदभाव नगरेकोले अब जनताको पार्टी भनेको कांग्रेस मात्रै रहेछ भन्ने बुझेर कांग्रेस प्रवेश गरेको नव प्रवेशी रुपलाल वि.क.ले बताए ।

नव प्रवेशीहरुलाई पार्टी प्रवेश गराउँदै हेलम्बु गाउँपालिका अध्यक्ष एवं नेपाली कांग्रेस सिन्धुपाल्चोक का युवा नेता निमा ग्याल्जेन शेर्पाले कम्युनिस्ट सरकारको अधिनायकवादी चरित्र र झुठो आश्वासनले आम नागरिकमा निराशा छाएको बताए । शेर्पाले नेपाली कांग्रेस लाई बिश्वास गरेर प्रवेश गर्ने सबै नेता कार्यककर्ताको सुखदुःखमा आफू सधैं साथमा रहने बताए ।

द्वारा लेखिएको

मध्यबिन्दु

सम्बन्धित समाचार