देश र दुनियाँको खबरको लागि मध्यबिन्दु समाचार एप्लिकेसन डाउनलोड गर्नुहोस्! डाउनलोड गर्नुहोस् →

५ दिने मध्यस्थता सम्बन्धित तालिम काठमाडौंमा शुरु

0

काठमाडौं – नेपाल मध्यस्थता परिषद् र एडभोकेट सोसाइटी नेपालको संयुक्त आयोजनामा काठमाडौंमा ५ दिने मध्यस्थता सम्बन्धित तालिम शुरु भएको छ । सर्वोच्च अदालतका न्यायाधीश सुनिल कुमार पोख्रेलले एक समारोहकाबीच तालिमको शुभारम्भ गरेका थिए ।

कार्यक्रममा बोल्दै न्यायाधीश पोख्रेलले नेपालमा मध्यस्थता सम्बन्धी काम गर्ने जनशक्तिको आवश्यकता पूर्ति गर्न यस्ता तालिम कार्यक्रम निकै महत्वपूर्ण हुने बताए ।

परिषद्का अध्यक्ष डा. राजेन्द्र प्रसाद अधिकारीले पक्ष विपक्षलाई राखेर गरिने मध्यस्थताका क्रममा अपनाइने विभिन्न प्रक्रियाका बारेमा जानकारी राख्न यो तालिम निकै उपयोगी हुने बताए । उनले तालिमले मध्यस्थता गर्ने जनशक्ति मात्रै नभएर गुणस्तरीय जनशक्ति उत्पादनमा जोड दिएको बताए ।

उक्त अवसरमा सर्वोच्च अदालत बार एशोसियसनका अध्यक्ष हरिशंकर निरौला, उच्च अदालत बार एशोसियसनका अध्यक्ष शान्तिराम खतिवडा, विशेष अदालत बार एशोसियसनका संयोजक चुडामणि पौडेल, जिल्ला बार एशोसिएसन ललितपुरका अध्यक्ष राम श्रेष्ठ र एडभोकेट सोसाइटी नेपालका अध्यक्ष अर्जुन प्रसाद ढकालले तालिमको महत्व र आवश्यकताका बारेमा आ आफ्नो मन्तव्य राखेका थिए ।

पाँच दिनसम्म चल्ने उक्त तालिममा मुलुकका विभिन्न जिल्लाबाट ४२ जनाको सहभागिता रहेको छ । विभिन्न विधाका विज्ञ प्रशिक्षकहरुले मध्यस्थता सम्बन्धि विभिन्न पक्षका बारेमा प्रशिक्षण दिनुहुने छ ।

द्वारा लेखिएको

मध्यबिन्दु अनलाइन

सूचना विभाग दर्ता नं. दर्ता न. १७८८/०७६-७७

सम्बन्धित समाचार