Madhyabindu News App
आर्थिक

सेरामिक उद्योगले नेपालमै टायल उत्पादन गर्दै

Madhyabindu Online


A A- A+

(काठमाडौं) – नेपालमा पहिलो पटक सेरामिक उद्योगले टायल उत्पादन सुरु गर्ने भएको छ । नेपाल सेरमिक उद्योग प्रालीले बाराको जितपुर उपमहानगरपालिका-७ मा टायल उत्पादन सुरु गर्ने तयारी गरेको हो ।

उद्योगका आर्थिक सल्लाहकार सिए करन विष्टले तीन महिनाभित्र फलोयर टायलको लागि मेशिन आईपुग्ने र एक वर्षभित्र सेरामिक उद्योगले उत्पादन सुरु गर्ने जानकारी दिए । ३८ करोड रुपैयाँ लागत रहेको मेसिन इटालीबाट ल्याउने तयारी भएको छ ।

करिब ६६ करोड २० लाख रुपैयाँ लगानी रहेको सो उद्योगमा २ सय जनालाई रोजगारी दिने लक्ष्य राखिएको छ । कम्पनीको वार्षिक क्षमता २ करोड ८२ लाख ६६ हजार स्क्वायर फिट टायल उत्पादन गर्ने रहेको छ ।

उद्योगलाई माछापुच्छ्रे बैंक र सिटिजन वैंकले ऋण प्रवाह गरेको छ । बिहिवार भएको सम्झौता अनुसार माछापुच्छ्रे बैंकले ३३ करोड ८८ लाख र सिटिजनले २७ करोड ७० लाख रुपैयाँ ऋण लगानी गरेको छ ।

उद्योगका अध्यक्ष शम्भुनाथ झाले उक्त सम्झौतामा हस्ताक्षर गरेका थिए भने माछापुच्छ्रे बैंकको तर्फबाट विनितचन्द्र झा र सिटिजन बैंकको तर्फबाट रोशन मल्लले हस्ताक्षर गरेको उद्योगका आर्थिक सल्लाहकार विष्टले जानकारी दिए ।

नेपालले प्रत्येक वर्ष भारत र अन्य मुलुकबाट ३२ अर्ब रुपैयाँ बराबरको टायल आयात गर्दै आएको छ । पहिलो चरणमा उद्योगले कच्चापदार्थ भारतबाटै आयात गर्नेछ । त्यसपछि दोस्रो चरणमा नेपालमै उपलब्ध माटोबाट टायर उत्पादन सुरु गर्ने तयारी उक्त उद्योगको छ ।

सल्लाहकार विष्टकाले नेपालमै टायल उत्पादन हुने भएपछि त्यसले रोजगारी सिर्जना गर्नुका साथै व्यापार घाटा समेत कम हुने दावी गरे ।

छुटाउनु भयो कि ?