Madhyabindu News App
मुख्य खबर​

ललितपुर महानगर भित्र फुटपाथ पसल निषेध

Madhyabindu Online

ललितपुर – ललितपुर महानगरपालिकाले नगरभित्रका विभिन्न स्थानमा फुटपाथ पसल राख्न निषेध गरेको छ । महानगरपालिकाले पुल्चोक, कुपण्डोल, जावलाखेल र कुमारीपाटीमा फुटपाथ पसल राख्न निषेध गरेको हो ।

सहरलाई सुन्दर र हराभरा बनाउने उद्देश्यसहित उक्त कार्य अघि बढाएको महानगरपालिकाले जनाएको छ । कुमारीपाटीको महायान पेट्रोल पम्पको फुटपाथमा व्यापार व्यवसाय गर्न र सवारीसाधन पार्क गर्न आजदेखि निषेध गरिएको नगर प्रहरी प्रमुख सीताराम हाँछेथुले बताए ।

उनले भने, “हामीले फुटपाथमा तरकारी व्यवसाय, निर्माण सामग्री थुपार्न, सवारी साधन पार्क र वर्कसपको काम गर्न समेत रोक लगाएका छौँ ।”

महानगरपालिकाका विभिन्न स्थानलाई चरणबद्ध रुपमा व्यवस्थित बनाउँदै लगिने योजनानुरुप सो कार्य अघि बढाइएकौ हाँछेथुको भनाइ छ ।

फुटपाथ पैदल यात्रुलाई मध्यनजर गरेर छुट्याइएको ठाउँ भएकाले उनीहरुको सहजतामा उक्त निर्णय गरिएको उनले उल्लेख गरे । यसैगरी ललितपुरको जावलाखेलमा एकैसाथ चिल्ड्रेन, मिडल, पिस र गणेशमान नामक चार उद्यान निर्माण गरिरहेको छ ।

Tags

छुटाउनु भयो कि ?