Madhyabindu News App
अन्तर्राष्ट्रिय

१६ वर्षीया किशोरीलाई एकदिनका लागि प्रधानमन्त्रीको जिम्मेवारी

Madhyabindu Online

काठमाडौं – लैंगिक समानताका लागि विश्वमै उदाहरणीय मुलुक फिनल्याण्डको इतिहासमा पहिलो पटक १६ वर्षीया किशोरीले प्रधानमन्त्रीको जिम्मेवारी सम्हालेकी छिन् ।

प्रधानमन्त्री सन्ना मरिनले किशोरीहरुको अवाज बुलन्द गर्नका लागि यस्तो कदम उठाएको बताएकी छन् । किशोरीहरुको अधिकारलाई बढावा दिन मरिनले मात्र २४ घण्टाका लागि फिनल्याण्डको दक्षिणी क्षेत्र वास्कीकी १६ वर्षीया किशोरी आभा मुर्टाेलाई प्रधानमन्त्रीको कुर्सी सुम्पिएको थियो ।

प्रधानमन्त्रीका रुपमा आभाले चान्सलरसँग बैठक र सञ्चारमाध्यमसँग भेटवार्ता गरेकी थिइन् । आफ्नो कार्यकाल सकिएपछि आभाले देशको प्रधानमन्त्री बन्दाको क्षण निकै विशेष भएको बताएकी छिन् ।

आभाले जलवायु परिवर्तन र मानव अधिकारसँग जोडिएका मुद्दाको सक्रिय रुपमा प्रचारप्रसार गर्दै आएकी छिन् ।

उनलाई गर्ल्स टेकओभर नामक अभियानमार्फत एक दिनका लागि प्रधानमन्त्री बनाइएको हो । यो अभियानको मुख्य उद्देश्य किशोरीहरुको डिजिटल क्षमता अभिवृद्धि गरी अवसरबारे जानकारी गराउनु रहेको छ ।

Tags

छुटाउनु भयो कि ?