Madhyabindu News App
सुदूरपश्चिम प्रदेश

को-को हुन् सुदूरपश्चिमको सरकार जोगाउने एमालेका १७ सांसद ?

Madhyabindu Online


A A- A+

काठमाडौं – नेकपा (एमाले)का खनाल-नेपाल पक्षका सांसदहरूको सहयोगले सुदूरपश्चिम प्रदेशका मुख्यमन्त्री त्रिलोचन भट्टको सरकार जोगिएको छ।

मंगलबार मुख्यमन्त्री भट्टले विश्वासको मत लिँदा नेपाल पक्षका १७ सांसदले उनलाई मत दिएपछी उनको सरकारको आयु लम्बिएको हो ।

५२ सदस्यीय प्रदेश सभामा एमालेका २५, माओवादीका १३, कांग्रेसका १२ ,जसपाका २ सांसद छन्। मंगलबारको मतदानमा ५१ सांसद उपस्थित भएका थिए। एमालेका १७ सांसदले मत दिएपछी भट्टले ३० मत पाएका थिए ।

नेपाली कांग्रेसले नेपाल पक्षले मत नदिए आफूले दिने निर्णय गरेको थियो। तर, नेपाल पक्षले मत दिने भएपछि कांग्रेस तटस्थ बसेको थियो।

एमालेको प्रदेश कमिटीले मुख्यमन्त्रीलाई विश्वासको मत नदिन निर्णय गर्दै प्रदेश संसदीय दललाई पत्राचार गरेको थियो। तर, प्रदेश सभामा नेपाल पक्षको बहुमत भएकोले मंगलबार बसेको संसदीय दलकाे बैठकले भट्टलाई विश्वासको मत दिने निर्णय गरेको थियो।

एमाले २७ सांसदमध्ये नेपाल पक्षका १८ जना छन्। तीमध्ये १७ जनाले भट्टलाई विश्वासको मत दिए। यी हुन् भट्टलाई मत दिने एमालेका १७ सांसदहरू :

१) अमरबहादुर साउद
२) अर्चना गहतराज
३) कुलवीर चौधरी
४) कृष्णराज सुवेदी
५) चुनकुमारी चौधरी
६) तारा लामा तामाङ
७) दीर्घ सोडारी
८) दुर्गाकुमारी कामी
९) पूर्णा जोशी
१०) प्रकाशबहादुर शाह
११) प्रकाश रावल
१२) बलबहादुर सोडारी
१३) मनाकुमारी साउद
१४) माया भट्ट
१५) लालबहादुर खड्का
१६) सुशीला बुढाथोकी
१७) हर्कबहादुर कुँवर

छुटाउनु भयो कि ?