Madhyabindu News App
अन्तर्राष्ट्रिय

५ घण्टा फेसबुक बन्द हुँदा फेसबुकले गुमायो ५.९ अर्ब डलर

Madhyabindu Online


A A- A+

एजेन्सी । पाँच घन्टा फेसबुक, व्हाट्सएप र इन्स्टाग्राम बन्द हुँदा मार्क जुकरबर्गको सम्पत्तिमा ५.९ बिलियन डलरको गिरावट आएको छ । योसँगै जुकरबर्ग बिश्वकै अर्बपतीको सुचीबाट एक स्थान तल झरेका छन ।

फेसबुक डाउन हुँदा जुकरबर्गको सम्पत्ति घटेर ११७ बिलियन डलर पुगेको छ । अब जुकरबर्ग फोर्ब्स म्यागजिनको अर्बपतीको सुचीमा छैटौं स्थानमा झरेका छन ।

कम्पनीका सीईओ मार्क जुकरबर्गले माफी माग्दै सोमबार राति पोस्ट गरेका थिए । जसमा उनले भनेका थिए, ‘आजको यो अवरुद्ध परिस्थितिका लागि माफी चाहन्छु । मलाई थाहा छ, तपाईं आफूले ख्याल गर्ने मानिसहरूसँग सम्पर्कमा रहन हाम्रा सेवाहरूमा कति निर्भर हुनुहुन्छ ।’

फेसबुकको सेवा सोमबार राति ९ः२५ बजेदेखि अवरुद्ध भएको थियो । जसले गर्दा कम्पनीमाथि निकै ठूलो समस्या पैदा भएको छ । यो कम्पनीका लागि सन् २०१९ देखि यताकै सबैभन्दा ठूलो अवरुद्धताको अवस्था हो । त्यतिखेर पनि २४ घन्टाभन्दा बढी समयका लागि फेसबुकको सेवा डाउन भएको थियो ।

छुटाउनु भयो कि ?