Madhyabindu News App
समाज

सिन्धुपाल्चोकमा बस दुर्घटना हुँदा ३३ घाइते, ३ को अवस्था गम्भीर

Madhyabindu Online फोटो दिनेश थापाको फेसबुक बाट


A A- A+

सिन्धुपाल्चोक – काठमाडौंबाट दोलखाको चरिकोटका लागि छुटेको बस लामोसाँघु जिरी सडक खण्डको ७ किलोमा दुर्घटना हुँदा ३३ जना घाइते भएका छन् ।

बा ४ ख १८०२ नम्बरको काठमाडौंमा चल्ने कान्तिपुर यातायातको बस रिजर्भ गरी दशैं मान्नकालागी चरिकोट लैजाँदैगर्दा दुर्घटना भएको हो ।

उक्त बस लामोसाँघु जिरी सडक खण्डको ७ किलोमा सडकबाट केही तल खसेको जिल्ला प्रहरी नायब उपरीक्षक दक्षबहादुर बस्नेतले जानकारी दिए । उनकाअनुसार बसका चालक प्रहरीको नियन्त्रणमा छन् भने ३३ घाइतेमध्ये ३ को अवस्था गम्भीर भएपछि काठमाडौंका विभिन्न अस्पताल रिफर गरिएको छ ।

मोडमा रोकेर तातेको इन्जिनमा पानी हाल्न खोज्दा गुडेर बस दुर्घटना भएको हुनसक्ने प्रहरीको प्रारम्भिक अनुमान छ ।

छुटाउनु भयो कि ?