Madhyabindu News App
राजनीति

उपाध्यक्षमा भुषाल र सचिवमा भीम आचार्यको उम्मेदवारी

Madhyabindu Online


A A- A+

 काठमाडौं – चितवनमा जारी नेकपा एमालेको जारी १० औं राष्ट्रिय महाधिवेशनमा घनश्याम भूषालले उपाध्यक्षमा र भीम आचार्यले सचिव पदमा उम्मेदवारी दर्ता गराएका छन् ।

एमाले अध्यक्ष केपी शर्मा ओलीले आइतबार राति बन्दसत्रमा प्रस्तुत गरेको पदाधिकारी र केन्द्रीय समिति सदस्यहरुको नामावलीमा असन्तुष्ट भएकाहरुले उम्मेदवारी दर्ता गर्ने क्रम जारी छ ।

ओलीले अध्यक्षमण्डलको तर्फबाट सहमतिका लागि भन्दै प्रस्ताव गरेका १९ सदस्यीय पदाधिकारीमा उपाध्यक्षमा विजयी रावल, उपमहासचिव भूषाल र सचिव आचार्यको नाम पदाधिकारीको टिममा परेको थिएन ।

आफूलाई अध्यक्षका रुपमा प्रस्तुत गरेका ओलीले वरिष्ठ उपाध्यक्षमा ईश्वर पोखरेललाई प्रस्ताव गरेका थिए । यसैगरी उपाध्यक्षहरुमा युवराज ज्ञवाली, अष्टलक्ष्मी शाक्य, सुरेन्द्र पाण्डे, रामबहादुर थापा बादल, विष्णु पौडेल र सुवासचन्द्र नेम्वाङ  छन् ।

ओलीले प्रस्ताव गरेका सात सचिवमा टोपबहादुर रायमाझी, छविलाल विश्वकर्मा, रघुवीर महासेठ, लेखराज भट्ट, योगेश भट्टराई, गोकर्ण विष्ट र पद्मा अर्याल छन्।

छुटाउनु भयो कि ?