काठमाडौँ – नेपाली बजारमा सुनको मूल्य आज एकै दिन प्रतितोला ७ सय रुपैयाँले बढेको छ । सुनको मूल्य बढेर प्रतितोला ७० हजार ७ सय रुपैयाँ कायम भएको सुनचाँदी व्यवसायी महासंघले जनाएको छ ।
हिजो प्रतितोला १ सय रुपैयाँले घटेको सुनको भाउ आज एकै दिन ७ सय रुपैयाँले बढेको हो । सुन हिजो प्रतितोला ७० हजार रुपैयाँमा कारोबार भएको थियो । असोज १४ गते मूल्य घटेर प्रतितोला ६९ हजार २ रुपैयाँ पुगेको सुनको भाउ फेरि बढेको हो ।
चाँदीको मूल्य पनि प्रतितोला १५ रुपैयाँले बढेर ८ सय ६० रुपैयाँ कायम भएको छ । चाँदी हिजो प्रतितोला ८ सय ४५ रुपैयाँ कारोबार भएको थियो । चाँदी प्रतितोला ८ सय ६० रुपैयाँमा कारोबार भईरहेको महासंघले जनाएको छ ।