(एजेन्सी) – इंग्लिस प्रिमियर लिग फुटबलमा चेल्सीले लगातार छैटौं जित हात पारेको छ । सन् २०१६ १७ को उपाधि जितेको सिजनपछि पहिलो पटक चेल्सीले लगातार छैटौं जित हात पारेको हो ।
जितसँगै चेल्सी लिगको तेस्रो स्थानमा उक्लिएको छ । शनिबार भएको खेलमा चेल्सीले क्रिस्टल प्यालेसलाई २ ० गोल अन्तरले हराएको हो ।
घरेलु मैदान स्टामफोर्ड ब्रिजमा भएको खेलको पहिलो हाफ बराबरीमा सकिएको थियो । तर दोस्रो हाफको सुरुमा नै चेल्सीका लागि टामी अब्राहम र क्रिस्चियन पुलिसिचले गोल गरे । खेलको ५२ औं मिनेटमा अब्राहमले गोल गर्दै चेल्सीलाई अग्रता दिलाए । त्यसपछि खेलको ७९ औं मिनेटमा पुलिसिचले गोल गर्दै चेल्सीलाई २ ० को जित दिलाए ।
जितसँगै चेल्सीको १२ खेलबाट २६ अंक भएको छ र म्यानचेष्टर सिटीलाई उछिनेको छ । यद्यपि २५ अंक जोडेको म्यानचेष्टर सिटीले एक खेल कम खेलेको छ । पराजित क्रिष्टल १२ खेलमा १५ अंक जोडेर लिगको दशौं स्थानमा रहेको छ ।