(हेटौंडा) – मकवानपुरस्थित क्षेत्रीय कारागार भीमफेदीबाट गएराति एक कैदी फरार भएका छन् । सुनसरी बकुलरीका ३० वर्षीय कुलदीप राज धामी शनिबार राति भागेका हुन् ।
उनी कर्तब्य ज्यान मुद्दामा जन्मकैदको सजाय भोगिरहेको जेलर प्रकाश खनालले बताए । सशस्त्र र नेपाल प्रहरीको सुरक्षा घेरामा रहेको कारागारको १२ फिट अग्लो पर्खाल नाघेर धामी भागेको कारागारका उनले बताए ।
अरु कैदी बन्दीहरुको सहयोगमा उनी भाग्न सफल भएको अनुमान जेल प्रशासनको छ । उनले ५ वर्ष जेल जीवन बिताईसकेका छन । फरार कैदीको खोजी भइरहेको जेल प्रशासनले जनाएको छ ।