(काठमाडौं) – नेपाली बजारमा आज सुन तथा चाँदीको मूल्यमा सामान्य गिरावट आएको छ । बुधबार प्रतितोला छापावाला सुनको मूल्य ७२ हजार २ सय रूपैयाँमा काराेबार भएकाे थियो ।
आज तोलामा २ सयले कमी भइ सुन प्रतिताेला ७२ हजार रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ । त्यस्तै तेजावी सुनको मूल्य ७१ हजार ७ सय रूपैयाँ कायम भएकाे छ ।
त्यस्तै आज चाँदीको मूल्यमा पनि प्रतिताेला १५ रुपैयाँले गिरावट आएको छ । बुधबार चाँदीको मूल्य प्रतिताेला ८ सय ६५ रूपैयाँ कायम भएकाे थियाे ।
मूल्य घटेसँग चाँदी प्रतिताेला ८ सय ५० रूपैयाँमा कारोबार भइरहेको महासंघले जनाएको छ ।