काठमाडौं – फोर्ब्स पत्रिकाका अनुसार मस्क विश्वका सबैभन्दा धनी व्यक्ति इलोन मस्कले समाजिक संजाल ट्वीटर किन्ने भएका छन् ।
अपेक्षा गरिएभन्दा बढी रकम अर्थात ४४ अर्ब डलरमा ट्वीटर किन्न इलोन मस्क सहमत भएको रोयटर्सले जनाएको छ ।
ट्वीटरको सञ्चालक समितिले इलोन मस्कको प्रस्तावलाई अनुमोदन गरेको समाचार माध्यमहरुले उल्लेख गरेको छ । ट्वीटरमा व्यापक सम्भावना रहेको र त्यो सम्भावनालाई उजागर गर्न कम्पनी र प्रयोगकर्ताको समुदायसँग काम गर्न आफू तत्पर रहेको इलोन मस्कले बताएका छन् ।
विश्वका सबैभन्दा धनी व्यक्ति मस्कको अनुमानित सम्पत्ति २ सय ७३.६ अर्ब डलर रहेको छ । उनी विद्युतीय सवारी साधन निर्माता टेस्ला कम्पनीको मुख्य सेयरधनी हुन् भने अन्तरिक्षसम्बन्धी कम्पनी स्पेस एक्सको पनि प्रमुख हुन् ।