काठमाडौं – नेकपा एमाले निकट विद्यार्थी संगठन अनेरास्ववियूको निर्वाचन भोलि (बिहीबार) हुने भएको छ। आज (बुधबार) राति मतदान गर्ने तय भए पनि प्राविधिक व्यवस्थापनलाई कारण देखाउँदै मतदान सारिएको हो।
अनेरास्ववियूका निवर्तमान उपाध्यक्ष नारायण घर्तीले सामाजिक सञ्जाल फेसबुकमा लेखेका छन्, ‘अनेरास्ववियुको २४औँ महाधिवेशनको लागि उम्मेदवारहरूको अन्तिम नामावली प्रकाशन करिब अन्तिम चरणमा छ र सबै काम सकेर मतदान भोलि बिहान ८ बजेदेखि सुरु हुनेछ।’
निर्वाचन समितिले यसअघि आजै राति ८ बजेदेखि मध्यरात २ बजेसम्म मतदान हुने समय तोकेको थियो । तर, प्राविधिक व्यवस्थापनका समस्या र सुरक्षाकर्मीको सल्लाहका कारण मतदान बिहीबार बिहान ८ बजेदेखि सुरु हुने जनाइएको छ ।
अनेरास्ववियुको अध्यक्षका लागि डा. सुजन कडरिया र प्रकाश पाैडेल प्रतिस्पर्धामा छन् ।