काठमाडौं – सिन्धुलीको आदिलिङ्ग कुशेश्वर महादेव मन्दिर परिसरमा नदीमा फसेका ३३ जनाको उद्दार गरिएको छ ।
सुनकोशी गाउँपालिका–१ स्थित आदिलिङ्ग कुशेश्वर महादेव मन्दिर परिसरमा रहेको गुरुकूलका ३३ जनाको उद्धार गरिएको हो ।
गुरुकूलका २६ बटुक (विद्यार्थी), तीन शिक्षक, दुई कर्मचारी र दुई जना मन्दिरका पुजारी शुक्रबार रातिदेखि बाढीमा फसेका थिए । शनिबार दिउँसो हेलिकोप्टरमार्फत् उद्धार गरिएको हो ।
सुनकोशी नदीमा जलसतह बढेर मन्दिरसम्म पुगेर रोशीखोलाले मन्दिरको दुवैतर्फबाट च्यापेकाले कतै भाग्ने अवस्था नरहेको फसेको गुरुकूलका शिक्षक नारायण घिमिरेले बताए ।