(जनकपुर) – १३ औं दक्षिण एसियाली खेलकुद साग अन्तर्गत कुस्तीमा नेपालका लागि संगिता धामीले पहिलो स्वर्ण जितेकी छिन् । महिला ५५ केजी तौल समूहमा संगिता धामीले स्वर्ण जितेकी हुन् ।
बंगलादेशकी रेमि सरकारलाई ५–१ अन्तरले पराजित गर्दै उनले नेपालका लागि पहिलो स्वर्ण जितेकी हुन् ।
नेपालका लागि अम्बिका भण्डारीले ५७ केजी तौल समूहमा रजत पदक जितिन् । पुरुष तर्फ ७० किलोमा सुरेश यादव, ७९ किलोग्राममा बुन्नीलाल राजु र १ सय २५ किलो तौल समूहमा राज यादवले कास्य पदक जिते ।
शनिबार भएको ७ तौल समूहमा भएको प्रतिस्पर्धामा भारतले ४ स्र्वण, पाकिस्तानले २ स्वर्ण र २ रजत, नेपालले १ स्वर्ण, १ रजत र ३ कास्य पदक जितेको छ । कुस्तीमा श्रीलंकाले ३ रजत र बंगलादेशले १ रजत र १ कास्य पदक जितेको छ ।