(काठमाडौं) – अख्तियार दुरुपयोग अनुसन्धान आयोगले पर्साको वीरगञ्ज महानगरपालिकाको कार्यालयमा कार्यरत कम्प्युटर अपरेटरलाई पक्राउ गरेको छ ।
सेवाग्राहीसँग १५ हजार रुपैयाँ घूस लिएको आरोपमा महानगरपालिकाको कार्यालयमा कार्यरत कम्प्युटर अपरेटर राकेशकुमार जैसवाललाई पक्राउ गरेको हो ।
जैसवालले उपभोक्ता समितिले सम्पन्न गरेको कामको भुक्तानी गरी दिएबापत सेवाग्राहीसँग घूस माग गरेको भन्ने सूचनाका आधारमा उनलाई पक्राउ गरिएको आयोगले जनाएको छ । आरोपीमाथि थप अनुसन्धान भइरहेको आयोगले जनाएको छ ।