(धादिङ) – धादिङकाे बैरेनी बजारमा आइतबार बिहान भएकाे बस दुर्घटनामा परी एक जनाकाे मृत्यु भएकाे छ ।
नुवाकाेटकाे बाँसगढीबाट अमलेखगञ्ज तर्फ जाँदै गरेकाे बा २ ख ६२६८ नम्बरकाे बस गल्छी गाउँपालिका ६ बैरेनी बजारमा दुर्घटना भएकाे हाे । दुर्घटनामा ४० जना घाइते भएका छन् ।
दुर्घटनामा परी नुवाकाेटकाे बेलकाेटगढी नगरपालिका ५ की १४ वर्षीया डाेल्मा तामाङकाे घटनास्थलमै मृत्यु भएकाे प्रहरीले जनाएकाे छ ।
जन्ती बाेकेकाे बस सडककाे खाल्डाे छल्ने क्रममा दुर्घटनामा परेकाे प्रहरीले जनाएकाे छ । घाइते मध्ये १७ जनाकाे अवस्था गम्भीर रहेकाे र थप उपचारका लागि काठमाडाैं ल्याईएकाे छ ।