काठमाडौं – सर्लाहीको हरिपुरमा जल्दै गरेको शव प्रहरीले चिताबाट नियन्त्रणमा लिएको छ । हरिपुर नगरपालिका–६ लक्ष्मीपुरकी इन्द्रकला देवीको शव प्रहरीले शनिबार नियन्त्रणमा लिएको हो ।
कानुनी प्रक्रिया पूरा नगरी शव जलाउन थालेको भन्दै प्रहरीले शवको केही भाग जलिसकेको अवस्थामा राजाराम साहकी श्रीमती इन्द्रकलाको शव नियन्त्रणमा लिई अनुसन्धान सुरु गरेको छ ।
५० वर्षीय श्रीमान् राजारामकै कुटपिटबाट इन्द्रकलाको मृत्यु भएको प्रहरीले आशङ्का गरेको छ । श्रीमतीलाई मरणासन्न हुने गरी कुटपिटपछि राजाराम फरार भएकाले प्रहरीले घटनाको बारेमा थप अनुसन्धान गरिरहेको जनाएको छ ।