काठमाडौं – डोटीमा सरकारी गाडी दुर्घटना हुँदा एक जनाको घटनास्थलमै मृत्यु भएको छ भने तीन जना घाइते भएका छन्।
डोटीको आदर्श गाउँपालिका वडा नम्बर २ मौवामा बा १ झ ९४३४ नम्बरको सरकारी गाडी बुधबार बेलुकी ६:३० बजे दुर्घटना भएको हो।
दुर्घटना हुँदा आदर्श १ स्याउले घर भएकी ६५ वर्षीय हीरा खड्काको मृत्यु भएको घटनास्थलमा खटिएका प्रहरी निरीक्षक यक्षराज जोशीले जानकारी दिए।
आदर्श गाउँपालिकाबाट सायल गाउँपालिकातर्फ जाँदै गर्दा अनियन्त्रित भइ कच्ची सडकबाट ५ मिटर तल खसेको प्रहरीले जानकारी दिएको छ।
दुर्घटनामापरी घाइते हुनेहरूमा वीरबहादुर खड्का, रबीन्द्र सुनार र टेकबहादुर तिरुवा रहेको प्रहरीले जानकारी दिएको छ।
प्रहरीका अनुसार घाइतेहरूको अवस्था सामान्य रहेको बताइएको छ।