(काठमाडाैं) – संघ प्रदेश र स्थानीय तीनै तहका रिक्त पदमा आज (शनिबार) मतदान भईरहेकाे छ । विभिन्न कारणले रिक्त रहेका तीनै तहका पद पूर्तिका लागि अहिले मतदान जारी छ । बिहान ७ बजे देखि उपनिर्वाचन हुने सबै स्थानमा मन सुरू भएकाे छ ।
निर्वाचन आयाेगका अनुसार मतदाताले अपह्रान ५ जृ सम्म मतदान स्थल पुगेर मत दिन सक्नेछन् । सुरक्षा व्यवस्था कडा पारिएकाले ढुक्क भएर मताधिकार प्रयाेग गर्न निर्वाचन आयाेगले सबै मतदातालाई आह्रवान गरेकाे छ ।
प्रतिनिधिसभाको १, प्रदेशसभाको ३ र स्थानीय तहका ४८ स्थान रिक्त छन् । तत्कालीन पर्यटन मन्त्री तथा कास्की क्षेत्र नं २ का सांसद् रवीन्द्र अधिकारीको निधन भएपछि यो स्थान रिक्त छ । त्यस्तै, प्रदेशसभाको भक्तपुर १ (क), बागलुङ २ (ख), दाङ ३ (ख) मा पनि छ र ती पद पूर्तिका लागि आज उपनिर्वाचन हुँदैछ ।
स्थानीयतर्फ सुनसरीको धरान उपमहानगरपालिकाको प्रमुखका लागि चुनाव हुँदैछ । पाँचथरको फाल्गुनन्द, संखुवासभाको मकालु र महोत्तरीको पिपरा गाउँपालिकाको अध्यक्ष तथा हुम्लाको खार्पुनाथ गाउँपालिकाको उपाध्यक्ष पद पनि रिक्त छ । त्यस्तै, नगरपालिका तथा गाउँपालिकाका रिक्त ४३ वडाध्यक्ष पदका लागि पनि आज चुनाव हुँदैछ ।
रिक्त यी पदका लागि विभिन्न राजनीतिक दल र स्वतन्त्र गरी ३ सय ३७ उम्मेदवार चुनावी मैदानमा छन् ।