(पोखरा) – पोखराबाट १० जना जुवाडे पक्राउ परेका छन् । वडा प्रहरी कार्यालय बैदामले बिहीबार जुवा खेलिरहेका १० जनालाई नियन्त्रणमा लिएको हो ।
वडा प्रहरी कार्यालय प्रमुख कोमल शाहका अनुसार उनीहरुको साथबाट ३ लाख ५७ हजार रुपैयाँ बरामद गरिएको छ ।
पोखरा ८ आलुमाइलाचोकस्थित धर्मेन्द्र श्रेष्ठको घरमा जुवा खेलीरहेको अवस्थामा उनीहरु पक्राउ परेका हुन् । पक्राउ परेका जुवाडेलाई बिहीबार नै म्याद थप गरेर अनुसन्धान प्रक्रिया अघि बढाइएको शाहले बताए ।