काठमाडौं – प्रधानमन्त्री केपी शर्मा ओलीले सरकारलाई समर्थन गर्ने सत्तापक्षीय दलको बैठक बोलाएका छन् ।
अध्यादेशमा एकै स्वर बनाउन प्रधानमन्त्री ओलीले भोलि माघ १४ गते साँझ ५ बजे बालुवाटारमा बैठक राखेका हुन्। संसद बैठक भने आगामी माघ १८ गते दिउँसो १ बजे बोलाइएको छ।
बालुवाटार निकट स्रोतका अनुसार प्रधानमन्त्री ओलीले १८ गतेको बैठकमा सरकारले ल्याएको अध्यादेशको बारेमा आफ्ना धारणा राख्ने कार्यक्रम रहेको छ।
सरकारले ल्याएको अध्यादेशको पक्षमा उभिन काङ्ग्रेस र एमालेले आफ्ना सांसदहरूलाई निर्देशन दिएका छन्। तर, अन्य दल भने अध्यादेश ल्याएकोमा खुशी छैनन्।
यही कुरा बुझेका ओलीले विश्वासमा लिन बैठक राखेका स्रोतको भनाइ छ।