काठमाडौं – केडिया अर्गनाइजेशनका अध्यक्ष स्व हीरालाल केडियाको परिवारलाई समवेदन दिन प्रधानमन्त्री शेरबहादुर देउवा बिहीबार वीरगञ्जस्थित केडिया निवास पुगेका छन्।
प्रधानमन्त्री देउवाले स्व केडियाको तस्बिरमा पुष्पाञ्जली अर्पण गर्नुका साथै स्व केडियाकी धर्मपत्नी परमेश्वरी देवी र छोराहरु तथा केडिया परिवारप्रति हार्दिक समवेदना प्रकट गरेका थिए।
प्रधानमन्त्री देउवासँगै खानेपानी तथा सरसफाइमन्त्री उमाकान्त चौधरी, मधेस प्रदेशका ऊर्जा विकास तथा खानेपानीमन्त्री ओमप्रकाश शर्मा, पूर्वमन्त्रीहरु रमेश रिजाल, सञ्जय चौरसिया र सुरेन्द्रप्रसाद चौधरीलगायत समवेदना प्रकट गर्न केडिया निवास पुगेका थिए।