काठमाडौं – भरतपुर महानगरपालिकाले आगामी आर्थिक वर्षका लागि ५ अर्ब १९ करोड ७१ लाख ६६ हजारको बजेट ल्याएको छ। आइतबार नगरसभामा महानगर उपप्रमुख चित्रसेन अधिकारीले प्रस्तुत गरेको बजेट अघिल्लो आर्थिक वर्षको भन्दा झण्डै एक अर्बले घटे हो।
आन्तरिक आयतर्फ १ अर्ब ८० करोड, अन्तरसरकारी वित्तीय हस्तान्तरणबाट २ अर्ब १५ करोड ७६ लाख २५ हजार, संघ सरकारको राजस्व बाँडफाँटबाट ३१ करोड ९१ लाख, बागमती प्रदेश सरकारको राजस्व बाँडफाँटबाट १४ करोड ४ लाख ४१ हजार, जनसहभागिता तथा श्रमदानबाट ५ करोड, बैक मौज्दात ७० करोड, सडक बोर्ड नेपालबाट ३ करोड रहने प्रक्षेपण गरिएको छ।
बजेटमा दिगो सहरी पूर्वाधार, कृषि तथा पशु विकास, वातावरण सरसफाइ तथा हरियाली कार्यक्रमलाई प्राथमिकतामा राखिएको छ। बजेटले आर्थिक, भौतिक, सामाजिक र वातावरणीय पूर्वाधार विकासमा जोड दिएको छ।
बजेटले अधुरा तथा क्रमागत आयोजनाको निरन्तरता, सहरी पूर्वाधार विकास, कृषि, शिक्षा, स्वास्थ्य र सामाजिक विकासलाई मुख्य प्राथमिकतामा राखेको उपप्रमुख अधिकारीले बताए । आगामी आर्थिक वर्षको बजेटले बजेटले सहरी पूर्वाधार विकासलाई उच्च प्राथमिकतामा राखेको सभामा जानकारी दिइयो ।
अधुरा तथा क्रमागत आयोजना सम्पन्न गर्न ६० करोड, बहुवर्षीय ठेक्काको भुक्तानीका लागि रु २४ करोड ५० लाख र वडास्तरीय आयोजनाका लागि रु ९४ करोड ७८ लाख विनियोजन गरिएको छ ।
गौतमबुद्ध अन्तरराष्ट्रिय क्रिकेट रङ्गशालाको अधुरो कार्य सम्पन्न गर्न साझेदारीका लागि रु चार करोड र महानगरको प्रशासनिक भवन निर्माणका लागि रु चार करोड विनियोजन गरिएको छ । कृषि तथा पशुविकास कार्यक्रमका लागि रु ९ करोड विनियोजन गरिएको अधिकारीले बताए ।
शिक्षा र स्वास्थ्य स् गुणस्तरीय शिक्षामा पहुँच बढाउन शैक्षिक कार्यक्रमका लागि रु १० करोड ५० लाख, स्वास्थ्य सेवा तर्फ भरतपुर अस्पतालमा निः शुल्क बहिरङ्ग टिकट सहीत स्वास्थ्य सेवा सुधारका लागि रु तीन करोड भन्दा बढी बजेट विनियोजन गरिएको छ ।
सामाजिक विकास र रोजगारी स् ‘छोरीहरूको लागि बाल उमङ्ग जीवन बिमा’ कार्यक्रम, खेलकुद क्षेत्रको बिकासका लागि बजेट, उद्यमशिलता बिकास र रोजगारी सिर्जना, वातावरण सरसफाई, खानेपानी निःशुल्क, सरसफाइ र हरियाली प्रवर्द्धन जस्ता कार्यक्रमलाई उच्च प्रथामिकतामा राखेर काम गरिएको सभामा उपप्रमुख अधिकारीले जानकारी दिए ।