(उदयपुर) – उदयपुरको चौदण्डिगढी नगरपालिका ९ मा शुक्रबार मोटरसाईकल दुर्घटनामा परी एक जनाको मृत्यु भएको छ ।
सुनसरीबाट गाईघाट जाँदै गरेको को ४ प ३८३६ नम्बरको मोटरसाईकल अनियन्त्रित भई बिजुलीको पोलमा ठोक्किएर दुर्घटनामा परेको हो ।
दुर्घटनामा परी मोटरसाईकल चालक सुनसरीको कालाबन्जर गाउँपालिका–३ का २३ वर्षीय दिपक विश्वकर्माको मृत्यु भएको प्रहरीले जनाएको छ ।
दुर्घटनामा परी रमेश विश्वकर्मा घाइते भएका छन । उनलाई वेल्टार प्राथामिक स्वास्थ्य केन्द्रमा प्रारम्भिक उपचारपछि थप उपचारका लागि धरान पठाइएको प्रहरीले जनाएको छ ।