काठमाडौं – कांग्रेस महामन्त्री गगनकुमार थापाले पार्टीका कुनै नेतालाई फौजदारी अभियोग लागे निलम्बन गर्नुपर्ने प्रस्ताव लिखित रूपमै राखेका छन् ।
थापाले बैठकमा सुशासन र भ्रष्टाचार नियन्त्रणका सन्दर्भमा कांग्रेसले स्पष्ट धारणा राख्नुपर्ने भन्दै लिखित मत जाहेर गरेका हुन् ।
पार्टी केन्द्रीय कार्यालय सानेपामा जारी सोमबारको केन्द्रीय कार्यसमिति बैठकमा महामन्त्री थापाले आफ्नो प्रस्तावलाई लिखित मतको रूपमा पार्टी बैठकमा दर्ज गर्न माग गरेका छन् ।
विभिन्न १३ बुँदामा समेटिएको उनको सुशासनसम्बन्धी लिखित प्रस्तावमा भनिएको छ, ‘कुनै पनि व्यक्तिमाथि फौजदारी अभियोग लाग्छ भने स्वयंले पार्टीबाट अलग हुनुपर्छ, त्यस्तो अवस्था हुन्न भने पार्टीले निलम्बन गर्नुपर्छ ।’
