राष्ट्रिय सभाका २० जनाको कार्यकाल सकिँदै, को-को बाहिरिँदै ?

काठमाडौं – राष्ट्रिय सभाका २० जना सदस्य हरूको कार्यकाल आगामी फागुन २० गते सकिने भएको छ। २०७५ असार ४ गते भएको गोलाप्रथा बाट ४ वर्षे कार्यकालका लागी छनौट भएका २० सांसदको रिक्तस्थानमा नयाँ निर्वाचन हुनेछ।

यसै बिषयमा केन्द्रित रहेर निर्वाचन आयोगको टोलीले सोमबार प्रधानमन्त्री शेरबहादुर देउवासँग भेट गरिसकेको छ।

निर्वाचन आयोगका अनुसार फागुन २० गतेपछि एमालेका ८ जना, माओवादी केन्द्रका ५ जना, नेकपा एकीकृत समाजवादीका ४ जना र कांग्रेसका ३ जनाको पदावधि सकिने छ।

गत जेठ १७ गते राष्ट्रिय सभा सदस्य भएका कांग्रेसका दृगनारायण पाण्डेय पनि पदमुक्त हुनेछन्। उनी गोलाप्रथाबाट चार वर्षे पदावधि निर्धारण गरेका चन्द्रबहादुर खड्काको स्थानमा आएकाले सोही अनुसार उनको पदावधि निर्धारण भएको हो।

क-कसको सकिँदै छ पदावधि ?
फागुनमा पदावधि सकिने सांसद्हरु चार वटा पार्टीका छन्, एमाले, माओवादी केन्द्र, नेकपा एकीकृत समाजवादी र कांग्रेस।