(एजेन्सी) – इंग्लिस प्रिमियर फुटबलमा लिभरपुलले पुनरागमन सहितको नाटकीय जित निकालेका छन् । शनिबार राति भएको खेलमा लिभरपुलले उत्कृष्ट पुनरागमन गर्दै एस्टन भिल्लालाई २ १ गोल अन्तरले पराजित गरेको हो ।
यो जितले लिग लिडर लिभरपुलले अपराजित यात्रा कायमै राख्न सकेको छ । भिल्लाको घरेलु मैदानमा लिभरपुललाई जित दिलाउन एन्डी रोबर्टसन र साडियो मानेले एक एक गोल गरे ।
खेलमा सुरुवाती अग्रता भने घरेलु टोलीले बनाएको थियो । स्टार खेलाडीले भरिएको लिभरपुलले अन्तिम समयमा नाटकीय रुपमा सानदार प्रदर्शन गर्दै घरेलु टोलीविरुद्ध धावा बोल्न सफल रह्यो ।
खेलको २१ औं मिनेटमा ट्रेजेक्वेटले गोल गर्दै भिल्लालाई १ ० को अग्रता दिलाएका थिए । तर, अन्तिम पाँच मिनेट सम्हालिन नसक्दा भिल्लाले हार व्यहोरेको छ ।
बर्टसनले खेल सकिन ३ मिनेट बाँकी रहँदा ८७ औं मिनेटमा गोल गर्दै लिभरपुललाई खेलमा फर्काए । त्यसपछि इन्जुरी समयमा मानेले गोल गर्दै लिभरपुललाई २ १ को जित दिलाए । जितसँगै लिभरपुलले लिगमा अपराजित यात्रा कायम रहेको छ । लिभरपुल ६ अंकको साथमा शीर्ष स्थानमा कायम रहेको छ ।
लिभरपुलले ११ खेलबाट ३१ अंक जोडेको छ । दोस्रो स्थानको म्यानचेस्टर सिटीको २५ अंक रहेको छ । पराजित भिल्ला ११ अंक जोडेर १६ औं स्थानमा छ ।