विवादित भिडियो हटाउन अनुष्का शर्मालाई लिगल नोटिस

६ वर्ष अगाडि · < 1 minute

(काठमाडौं) – चर्चित भारतीय नायिका अनुष्का शर्मालाई उनले निर्माण गरेको वेभ सिरिज पाताल लोकमा समावेश गरिएको एक विवादित भिडियो हटाउन कानुनी पत्र (लिगल नोटिस) पठाइएको छ ।

नेपाली नारीलाई अपशब्द प्रयोग गर्दै अपमान तथा गालीगलौज गरेको भिडियो हटाउन लिगल नोटिस पठाइएको हो ।नोटिसमा भिडियोमा प्रयोग गरिएको शब्दले सम्पूर्ण नेपाली नारीको अपमान भएकाले अनुष्काले माफी मागेर भिडियो हटाउन माग गरिएको छ ।

चौतर्फी बिरोधपछी जुम टिभी इन्टरटेन्टमेन्टका तर्फबाट वीरेन श्री गुरुङले अनुष्कालाई नोटिस पठाएको बताए । गुरुङले सिरिजको पाताल लोकको दोस्रो शृंखलामा प्रयोग गरिएको शब्दले सम्पूर्ण नेपाली समुदायको अपमान गरेको बताएका छन् ।

यसले नेपालको सार्वभौममाथि प्रहार गरेको भन्दै नेपाली नायिकाहरूले सुरुमा आवाज उठाएका थिए । नायिका रेखा थापा, सरिता लामिछाने, ऋचा शर्मा, केकी अधिकारीलगायतले भिडियो हटाउन माग गरेका थिए ।

अनुष्काले उक्त पत्रको जवाफ दिनुपर्ने र यसो नभए ओटीटी प्लेटफर्म र यसमा संलग्नविरुद्ध पनि कानुनी लडाइँमा जाने नोटिसमा उल्लेख छ ।

विवादित भिडियो हटाउन अनुष्का शर्मालाई लिगल नोटिस

विवादित भिडियो हटाउन अनुष्का शर्मालाई लिगल नोटिस

हालका पोस्टहरू

समाचार वर्गहरू

Sign in

Sign up

Find Your Account